“للذكرى و التذكُّر …” للكاتب والشاعر عبد العزيز حنان

 عبد العزيز حنان   الدار البيضاء في 18 نونبر 2015

نص شعري زجليي في عشق الوطن ….
منذ ما يقرب ثماني سنوات خلت …
هدية لمن يعشق القصيدة الزجلية …
و لمن أعطت رأيها فيها قبل النشر
////////////////////////////////
بْلَادِي ، زِينَتْ لَرْيَامْ
********************
بَاسْمْ اللهْ ، لَعْظِيـمْ نَـبْــدَ شْهَــادِي
وَ الصّْلَا وَ السّْــلَامْ عْلَ خِيرْ لَنَـامْ
بَاسْمْ اللهْ ، بِيـهْ قـُوتِي وَ عْمَــادِي
و الصّْلَا عْـلَ الرّْسُولْ تَـاجْ لَكْـرَامْ
و سْلَامِي لِيـكْ يَا السَّـاكْنَة كْبَــادِي
هْـوَاكْ ، مَا لُو مْثِيلْ يَا زِينَتْ لَرْيَامْ
عَشْـقِي لِيكْ، وَشْمْ نَقْشُوهْ اجْــدَادِي
وَشْمْ مَغْرُوسْ فَالْقَلْبْ كَامَلْ بَالتّْمَـامْ
وَ نْزَرْعُو نَبْــتْ مْحَبَّ فْرُوحْ اوْلَادِي
فَخْرْ لِيهُمْ ، عْلَ طُولْ سْنينْ وعْـوَامْ ُ
فْرَحْتِي بِيكْ يَصْدَحْ بِيهَا نْشَـــــادِي
يْزُولْ بِيهَا هَمِّي ، و تَبْـــرَا لَسْقَـــامْ
اللهْ عْلِيكْ ، نَبْضْ الرُّوحْ يَا بْــلَادِي
و عَــزِّي بِيكْ و فِيكْ مَا يَنْضَـــــــامْ
عْرُوسْ انْتِ بَاهْيَة ، وْ زِينَكْ بَــادِي
مَا يْنَكْرُو صْدِيقْ وَ لَا عْدُو مَنْ لَعْوَامْ
الرِّيفْ وَ لْأَطْلـَسْ رْكَايْــزْ وَ لَوْتَــــادِ
وَ سْهُولَكْ بْطَايْحْ زَاهْيَتْ لَرْسَــــــــامْ
بِيكْ نَفْخَرْبَالْعَالِي وْ نَحْيِي عْيَـــــادِي
وْ بِيكْ تَتْعَطَّرْ حْيَاتِي وْ سَايْرْ لِيَــــــامْ
ْ ِفِيكْ عَزِّي وْ فَخْرِي وَ امْجَـــــادِي
فِيكْ اهْنَايَ وْ فَـــرْحِي عَالــــــــدّْوَامْ

Views: 11