الشاعرحفيظ الامراني
المجذوب
الهم يزيدوه الغم
والستر حليلة ومليحة
ردالجرح ع الجرح
تولي كيف كانت صحيحة
طفل
بغيناياحكيمنا نعرفو
واش فات لك سافرت؟.
اش من غرايب صادفت؟.
،واش سبق لك غامرت ؟
المجذوب
تغربت ومالت بي السفينة
ومرضت وضعاف حالي
مصاب نرجعو لبلادنا
بقدرة ربي العالي
مثلت روحي زبيب
فكل شجرة ينادي
يعيط ياقلة الحبيب
ياخروجي من بلادي
الراوي
كان مسافر مع الحجاج
قاصد يزور الكعبة والقبر
صادفهم ف الطريق عجاج
وهاجموهم قراصنة البحر
بقى محبوس فبلاد الروم
وقضى ف الاسر شهور
وتعرف على بنت من القوم
وقال فيهاشعر ماثور
المجذوب
لو كان يابنت الروم
هداك الله وتبعتيني
نعلمك الصلاة والصوم
ونردك على ديني
طفل
واش وقع لك من بعد
واش بقيت محبوس.؟.
اوفكات لك القيد
وخذتيهاعروس.؟.
المجذوب
هربت من دولة الرومي
وجيت لخوياالمسلم.
رجعت لبلادي وقومي
باغي مرادي يتم.
اناغريب فبلادات الناس
اللي يشوفني يقول براني
كنت فضة ورجعت نحاس
وبدلت عقلي بهبالي.
.هكذاعاش المجذوب
حياتوسارح.جوال
تايه ففيافي ودروب
يتحدي الصعب والمحال
Views: 19
