شعر ورواية

قصيدة(الميمة….) لشاعر السهول احمد الناصري

 

لشاعر السهول احمد الناصري

 

 

ياما عليك بغيت نكتب
يالميمة وتخلطوا لحروف….

شكون يوصفك من غير الرب
وعييت نعصر من مخي والجوف..

ما نوفي وأنا في بطنك نضرب
هانا اليوم كبرت ووليت متروف…

نكتب على واد الحنان يكب
أو وجعي لي بيه دمعك مذروف…

نكتب على ليلك سهرانة ما تبغيني نغضب
أو رضاك لي عليا ملفوف…

منين يالميمة نبدا نكتب
حتى ميزان حروفي ما لقيت ليه صروف…

ياعيدي لي فيه شمسي ماتغرب
وايامك كلها اعياد وهذا معروف…

حملتيني وفشعرك ننتف ونلعب
وشحال بيا تراري وننعس بلا خوف…

علاش اليوم على طاعتك نهرب
ومن أحسن ليك من ربي منصوف…

الجنة من تحت اقدامك ليا تسلب
ياربي يخليك ديما فيك نشوف…

انت يالميمة روحي وانت ليا القلب
وانت هي ضوي على حد الشوف…
….

 

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى