للشاعر رشيد جوبير
من هيث لبغو
هي حلمة وبغيت منها نرتاح
معشوقتي صوتها لحلاح
و قوامها طياح
خدودها. تلمع تتبارگ
جدابة بضيها تدهش
غراتني بعيونها. لملاح
داتني لبحر لغرام ورداتني لاكح بعطش
ياقوتة منحوتة ليها الروح تزهى ؤترتاح
فيها العين تفهى وتيه ساهية ما. ترمش
يوساع الخاطر ليها ويصير امراح
ويرطاب اللسان ايلا كان في كلامو حرش
هي فرحة. غالية. ورباح
بيها يتلم ؤ يزيان. العش
نورها. باهي. يسحر. لماح
من لمحنة. . تسقي. وترش
سعدات اللي في فدانو زرعتها تتلاح
من غلتها غير. يحصد و ايحش
ارميت خاطري عليها في بحر لهوى
ترضى تعطيني راس الخيط
فيه نكمش
زينت الگصة و الگلسة. زينها باهي ؤ منقگش
نصبة تشهي. والطعمة. ملصة
زگلت فلتت لصياد. امدروش
آااااااه عل
السبيبة اللي تخبلت في صيدة معكسة
ما بين صح و شوية غش
العين في العين والگلب فيه نخصة
وا لحصرة. خلاتو. امبورش
شاد لخوا ضاعت الفرصة والگاشوش فيه تنخصيصة تتنهش
شافت فيا ؤامشات. بلا غوات
بلا عصا ؤ خلات الشمتة فيا كتطرش
ؤبقات عيني في بحر لهوى غاطسة
مغوصة ؤرمشي في حلمة تم يهبش
باغي معشوقتي اتبان تاني
في حلامتي
حيت خاطري. عيا و تكمش
.و لقيت راسي ضدي غ وحدي منيس منها
ؤمن حضي لمطنش ……
Views: 8
