لشاعر السهول أحمد الناصري
…..آش نكول….
عرفتو حسب الابداع تخربيق
مافاهم من كلامي معاني….
دارني عاطيها للغوت والنهيق
وأنا صابة جيال منها جاني…
خليتو شوية عليا يعيق
وحطيت ليه لوجه الثاني…
وجه فيه مغاز باش يفيق
نخليه كلو مدبور يعاني…
ماعرف حرفي مع قلبي شقيق
وسط الديور لكبار معمر مكاني…
بالصدق نبوح حتى ينشف الريق
مع اهل الحكمة بارود وسواني…
نبدع والحرف هو ليا رفيق
ومن دم الجوف نحط الواني…
نرسم بمنامي وحلمي فيا يفيق
وبسمق ليام والحال يحسن عواني…
بامواج لحروف نضمن بالحب طريق
وحب بلادي هو زهر جناني….
هذا بحري أنا،غارق فيه غريق
شكون يفهمني من غيركم اخواني….
Views: 8
