بقلم: الزجالة سعاد بيكة
واهيا وين واهيا وينا
واش شمسكم شرقات
ولا غيام الدوام احكم علينا ؟
ضرب ناقوس لخطار
لا حرك فينا ساكن
ولا وقف شخير لمخير فينا
واهيا وين
واهيا وينا
اش هاد الروينة ؟
لعجينة راه تدشات
وفاتت حق لخميرة
ما هموني غير الصببان
غدا وبعدو ليهم اش خلينا ؟
لا درنا حق ف الصواب
ولا خففنا من قفة التقل
ولا عملنا مزية
تانشوف شباب اصبح ضحية
نانشوق نسا معذبة
تعمل صباح وعشية
تا نشوف طفولة مقهورة منسية
واهيا وين
واهيا وينا
واش عيني تجهدات ف النظر ؟
ولا عيونكم انتم اللي معمية ؟؟
Views: 11
