كلمات/حفيظ الامراني.
اشحال كنت مشوق
يكون فدارناتلفون.
كلماسرسر..ودق
نقول الونقول شكون.؟
يقرب لي كل بعيدة
كانت فالغرب ولاف الشرق.
يجيب لي اخبار
جديدة.
فرمشة عين.فلمح البرق.
…… * الو…الو..*…
من يوم دخلتوللدار
وانامشغول غير به
سوابالليل.سوابالنهار.
ديماحداه.ديماخاضيه
نستناه وقتاش يسرسر.
ويسمعني احلى رنين.
ولودقيقة.كاع مانصبر.
ونقول ..الو ف الحين.
……* الو..الو.*……
عملت ياناس مذكرة.
فيهاالاسماءوالارقام.
الوف الصباح.وفالظهيرة.
الوبالليل تحلى ياسلام.!.
واحد النهارجاتني الفاتورة.
قريتهاولقيت فيهاحسيبة
مشيت نجري ونطلب ماشورة
قالوهذااللي جاك ف الوجيبة.
……*الو..الو..*……
كل مكالمةلهاتسعيرة
وزنووسعروحتى الكلام.
ولات حريرة واش من حريرة.
الهدرة فيه راهابالكرام.
ماكنت نظن باللي التلفون
الهدرة فه ياناس بالعبار.
احسن ابنادم يبقى زيزون
حتى الهدرة زادولهاف الاسعار.!؟!.
Views: 11
