كلمات/حفيظ الامراني
عجلي ياشمس بالشروق
راني مشتاق لبلادي
احملني ياقطارالشوق
اديني نشوف اولادي
خذني من بردالغربة
دفيني فزين الاحضان
خذني على جناح المحبة
ننعم بالوقت المزيان
وصل ياحمام لناسي الاخبار
اناجاي على رموش عيني
بشراولادي وعمارة الدار
وخبرهم.وصالهم راه يحييني.
عجل ياقطار.اقطع المسافة
راه فراق ساعة يسوى عام
راجع والفراق يولي خرافة
وحبل الوصال يبقى على الدوام.
شوقي لبلادي راه زادوطال
عندي فيهاحبيب ومحبوب
فراقنامن اليوم ولى محال
وشمس اللقاءماليهاغروب.
