شعر ورواية

قصيدة (خيط الصحبة) للشاعر الميلود بوصلعة

للشاعر الميلود بوصلعة

ا تهلك بيا ريح نظمي وداني
وجعلني في سيرت النغمة والقول
بنغامي يا ناس لعقل هنا ني
ونراعي لبراج كيفاش المنزول
الصدق والمعقول للبعض اخواني
صوره كالبنيان فحطه مشكول
الصحبة فالقلب ماشي بلساني
حب صحبة صح يصدق المعقول
ولي حبلو اصحيح لطول كاني
والي راشي ما يطولشي لطول
طول العشرة تزيد لراس امگاني
يا صاحب مني اومنك المفعول
يا عاقل نعطيك لمثال امعاني
غز الصحبة مثيلها فارس لخيول
والصحبة تبغي الراجل سيساني
وصحبة تبغي الراجل فيه اخصول
والصحبة تبغي الرجل حقاني
والصحبة تبغي الهمي والمريول
والصحب ماهيش للي جا تاني
هز الحمل امعاك فالديق المعجول
الصاجب مثلو خوك ماشي براني
تكون الكفة امگادة يا هل العقول
خيط الصحبة احرير مطروز الواني
امسدي منسوج وسداه المغزول
فيها لحمر والصفر و السو داني
وشخة و زرگ والخضرولي مكمول
فيه الحكمة كي اسبول المرواني
صابة عزلة جامعة في ارض سهول
طمع الدنيا يفوت يرحل الفاني
بعد اتسدا غيم صاگه ريح الهول
ضهرت شمس الغيم طهجت حماني
ندرڨ من حرها في كاف ظلول
ولا شمعة ظرها ف الدخلاني
ويلا لهبت نارها تهزل وتزول
هاك الصاحب لا يڨولو ينساني
معدن صافي بالوفا قلبه مغسول

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى