شعر ورواية

“نفحات ايمانية “للشاعر الميلود بوصلعة

للشاعر الميلود بوصلعة

 

 

وصلات عليك يا ملي نرجاك
حبيب المولى الاخر والاو
يوم الي لعباد تستنا ملقاك
داك اليوم الصعيب كون اعلينا ضل
نبدا فالقصة انكول اليرضاك
نرويها لك يا ابنادم وستفصل
كفي ياعيني امن دمعة بركاك
هاد الدنيا كل من فيها يرحل


ما فهاش الفرق هاد من هداك
خلق الله مصيرها فوق المحمل
ياسعدات الي هتم وشد الشباك
ياسعدات الي احرص فيهايوصل
اتبع قول الله فالمصحف وصا ك
اطريق المستقيم عنها لا تغفل
باب التوبة يا العاصي يستناك
قبل يفوت الوقت يوصل الاجل
ما يفيدك لا مال خليته موراك
مانفك لا ولد لا صاحب لاخل
لاتتبع الشيطان للهواء يهواك
احرز نفسك فالمصايب لاتحصل
قدما طول العمر قبرك يرجاك
هاد الدار الخاليا منها تعزل
ادار الدايم ديت عملك امعاك
عول اعلى الي اخدمتو كثروقل
في وقت الادان المولى نداك
احضر لصلا ت فالمسجد نفل
خمس اوقات مزما ماش يخفاك
ياك الى صليت فوقاتك الفظل
ياك الى صدقت مناش الله اعطاك
وطعم المسكين ربي ليك اقبل
ياك الى عشرت حق الله ابغاك
ياك الى حجيت فعظامك تغسل
شدالسانك مل الهدرى كل اهلاك
و ورثك لصا عبة فيها تهطل
في وقت الشباب غنيته بغناك
فالوقت الي كنت في جبحك اعسل
مكان الي من اقرانك يتحداك
من سامن يهزال من طاير يهزل
طاب اجنانك والورق شدو تحكاك
مثل الصابة اتازغت وقت المنجل
واش ابقا مور الحصيدة يا سلاك
مصيرك وصط الحيوط فحفرةتدخل
وحدك ابلا ارفيق وي سالك ملاك
والحقيقة اتقولها والو حنطل
الغاني والفقير منزلهم هداك
مليك اوزير حاكم و العادل
الى فاليمين برحمة نجاك
جزاك الله بالفعال الي تفعل
ولى من اليصار بالغرة مكواك
فجاه النمة معا الكافرابو الجهل
ولا تندم لا ارجوع الي يرضاك
الباب الطرق والقضا شدو بقفل
ورحمة فالكريم ربي ما ينساك
برحمته الواسعة عنده لفضل
طيع الوا ليدين امك وباباك
جنة تحت اقدامهم يا من تسئل

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى