شعر ورواية

قصيدة(دوق معاني) للشاعر الميلود بوصلعة

للشاعر الميلود بوصلعة

دوق معاني انعيد لك يامن تفهم
حضر لعقل بسمع.. وستلغى لي
نبني صوري بصدق. ما يتهدم
ومزخرف برخام. ومتن. اقفالي
نهزم حالي للوطن جرحو يخدم
. اعت انطفي في انوارين اشعالي
معزت وطني. فيعروقي مثل ادم
معزت وطني ساكنة وصط ادخالي
معزت وطني كلحم كاسي لعظم
قبري فيه. نهار يوفة اجالي
معزة.وطني فبداني داخل اسهم
اسهامة ورماح. وغلو. تنخالي
عندي غيرة على اوطاني نتكلم
والو حفن تراب وشبر في التالي
والو قطرة امن البحر هايج يالطم
والو حجراة فجبل نو هب حالي
وطني غالي اعلى ارجالو متحزم
من غيره حتا اوطن ما يحلالي
فيه الاب. وفيه نظرة صورت لام
فيه. العمة فيه جدي واخوالي
فيه الاخت وفيه خويا فيه العم
فيه الصحبة وفيه كل. الاهالي
فيه ارجال الغز في ارجال العلم
وسجاعة للوطن فيه ابطالي
وحناية لمغاربة شهرة و الكرم
ارجلة والنيف وي عز ارجالي
من. لكويرة الطنجة لقدم. بقدم
الغرب امع الشرق ايمن وشمالي
راية حمراء فوق. لوطن. اتحوم
نجمة خضراء وصتها تجلب بالي
تنبص في لعروق سكنتها فالجسم
بنشاد الوطان. تهتف وتشالي.
الله والوطن وبعهدي نقسم.
والمايك مليكان. تاج الغالي
ابنه والي العهد شريف الاسم.
مولاي الحسن يانور انجالي
سموه الرشيد. ربي يحفضهم
الاسرة الشريفة وكل. المعالي
وحفضهم ياالله بذكر الحاكم
من عين الحساد قوم. الجهالي
عز ابلادي الغالي. بيها مهتم
نهدي عمري انزيد نهدي من مالي
جنة خضراء الخير فيها. متنعم.
بلاد. التقافة. . اجارحي تحيالي
عديان. الوطان. يترهجو بسم
و. الحاسد خليه في قمحو گالي
ونملة.الى تغات طارت في مجحم
تبقا سهم الطيور فحديث امثالي
خاين لوطن . فشرع حق ينرجم
والو نغطس فالعسل جبحو. خالي
والغالط الى اغلط بفكار الوهم
وين. الغيرة. للوطن يا دلالي
وين ارجال العز ضحاو اعلى سلم
خلاو اتاريخ رسمو اجيالي
كانو صبارين. صبر الي ييلزم
فيهم الغيرة اعلى الوطن بيهم عالي
ترحمهم يالله. في جنة. النعم.
ماتو شوهادة اعلى الوطن ابطالي
وصلات اعلى. انبي بيها نختم
محمد لحبيب سيد المرسلي.
بوصلعة الميلود فالقصة ناظم’
بالقافية ميم والام اتا لي

 

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى