للشاعر محسن الغيواني
محلاك يا لالة فاطمة بوشام ياعدرة
زينك القاهر فتان
والنظرة فيك تسحر وبعشقك اتبليت
يا الساكنة فالحومة
ملي تبدا صلاة لفجر تدعيلك ببهاج
طريقك فايحة بعطر ومقامك نسايم
والصولة ليها سومة
عاري عليك لاتهجري لمكان يالغزال
نجمة مضوية لوطان وليها قيمة
يرتاح ليها الخاطر تداوي لسقام
وانا العاشق الولهان
اش بقالي غير نصبر والقلب مكواه
حبيبتو نسمة منغومة
لابسة شربيل ودان حشمة والتزام
ريحها مشموم الزهر والقفطان مواتيها
عروصة فديارها محكومة
حكم عليا لغرام ياناسي بشواق
وعودها حبق وسوسان
ولي شافها يعتر
مقامها خوخ وعنبر
فلقصاير دكة منغومة
* فاس المغرب
