حفيظ الامراني
بقات في ديك لمراه
فايقة غلى النبوري
اليدين كازين..
والراس محني بالسمرة..!!!.
باغية خدامة ..الاله..؟..
باغي اسيدي..؟..
حداكة وفهامة..
.نوريك حنة يدي.
……***……
اليدين كازين..
والراس محني بالسمرة
بقات في ديك لمراه.!!!..
حروف الشقا..ف الخدبن.
منقوشة ف الجبين.
محفورة ف الخدوالعين.
فكل صباح تشمر
على سواعد وهينة.
وتلم ف الصدر.
وتحط ع الاكتاف
وتطلع ..وتهبط.
وتحني الظهر…
حتى يتكسر.
……***……
وتاخذ حساب
مايسخن لجياب.
وتلم درهم على درهم.
ايه..
.اشحال هازة..!!!..
ومازال تهزدالهم.
وشكون رثى لحالها.
حكيم من زمان قالها.
ماحك جلدك..
غيرظفرك >…
Views: 8
