Array
لشاعر السهول أحمد الناصري
عييت نخطط بالعود
فوق حجرة لعمر..
وعييت نفكر و نخمم
وما نفعني تخمام…
….
لقيت الواد الواكح
ماه جرو لبحر..
ما كره بيه زيادة
وتقاضى لكلام…
….
شفت الجنان الخارف
ماجاد بريحة زهر..
ونخوة العود البركي
ما طفا عشقها علام….
…
بنادم تاه مع الخاوي
بلا معقول ديما يهضر..
نسينا الدين وكبرت العلة
الصدق تلاح ولكذوب قوام….
….
حكرة لمرا سفاهة
بالراجل ما بقات تشعر..
يطوالو يديها فيه
وتغوت الله يعز لحكام….
….
غرزت حكمة العاقل
مابقى عليها سر..
نهار حط سلاحو
ما زيتوه دوك الفهام…
….
الحضن لي كان دافي
ولى بالبرودة صر..
والضبابة غطات اوقات
ما روات أرض ولا بللت افام….
….
الله يهدي ما خلق
شي على شي يحفر..
ما بقات فبنادم نية
كيف دجاج وفيه الجذام….
…..
الكانون رجع رماد
غاب دخانو و الحر..
الخو يصوط على كبالتو
ونسى خوه وسط العرام….
….
مال السعد حرار
وبقلة الدين كلشي تضر..
غرقنا في حريرة غراب
نهار جرب مشية لحمام…..
المصدرArray
