بقلم/حفيظ الامراني
الراوي
.ونطق واحد وقال
طفل
مالك ا.المجذوب ومالو؟
المجذوب
يااولادي راه المال
نعمة الى كان كثير
.اللي بغاه يكون حلال
لازم يدير به الخير
بهادشي امر ربي
وامرالله مانخالفوه
بهاد شي وصى النبي
وطريقولازم نتبعوه
طفل
احنا راه بغيناالفلوس
بغينانكونواغنيا(ء’)
بلابيهم الكلام مسوس
ومانحققوحتى امنية
المجذوب
المال وحدو به ماتسعدو
يتصرف ودغيا يتقاضى
لازم يااولادي تجتهدو
النجا ح راه طريق السعادة
هذايولي معلم او عالم
وهداك فقيه اوطبيب
واللي قاري وفاهم
بخدم بلادوويصيب.
المجموعة
اعذرناباسيد المجذوب
كلامك ماسمعناش بحالو
كلامك مفيد ومحبوب
قول وزيدنامن امثالو
الراوي
وبدايحكي ويروي
مالاقى ف الدنياوشاف
.ويحكي سروالمطوي
وشلى مايقول وبزاف
العيون مبهورة فيه
وكل كلمة وليهاجناح
والاوذان ترخي السمع ليه
والقلب لحديثو مرتاح.
الراوي
كلاموعانق القلوب
قبل مايحرك الاوذان
كلامو يهد الطوب
يسري فاعماق الوجدان
وحلى الحديث وزيان
بين الرحمان المجذوب
وبين جماعة الصببان
بالقول الساني المنسوب
الراوي
قل ياشيخناالجليل
وحكي لناقصة الدربالة.
وعلاش قنعت بالقليل
ورضيت بهاد الحالة!؟!
……..* يتبع *………
