بقلم/حفيظ الامراني
سولوني اولادي اسئلة
كيفاش ياماماتزوجت بابا
قلت اسبابي المراسلة
كانت لي هوايةمحبوبة
هواية لطيفة ونبيلة
تعرف القاصي بالداني
للتواصل كانت وسيلة
تونس العايش وحداني
كل يوم تجيني برية
وبسرعة نرد الجواب
نشعربنفسي هانية
ولي فكل مكان احباب
ولى يوم ساعي البريد
ماجاب لي معاه رسالة
اولمح لي من بعيد
ولسان حالو يقول لا..لا
نشعربحزن يغمرني
ويديرفقلبي غبينة
كانومن متعة حرمني
ونقيل نهاري حزينة
ولى دق الباب فالصباح
وسمعتو ينادي باسمي
تغمرني نشوة الافراح
وتزول احزاني وهمي
ودامت الهواية سنوات
ورجع فقدوموبشارة
رجع وليفي فالحياة
وصورتو للفرح إمارة
وجايوم سمعت دقات
فتحت الباب كالعادة
ساينت يمدلي بريات
قالي واش تسمحي بعدا
ودارت بي الدوارة
لمالمست يدي يدو
دخل وخلاني محتارة
ماعرفت يااولادي قصدو
ومارجع لي صوابي
غيرزغروتة دلميمة
وغمر الفرح لي قلبي
فرح ماتوصفو كلمة
قلبي اللي تاه بعيد
وسرح فدنياالاحلام
خداه ساعي البريد
وكانت احلى قصة غرام.
Views: 10
