لمجدوب الحرف محمد حديش
30\01\2020
تْلاگا معاها بالسَّاگْيا قدار
هازا لَگْلالي وزينها ضاوي
تقدم بالزعاما سَرَّاحْ الغْنَمْ
شافت بكحل العين العالي
دْواتْ العَطْفا تَتْلالي تَعْشاقْ
گاليها لله شريبا الَلَّاتْ گلبي
راه عطش هوايا رويه منك
جاوبتو معفرا ضاحكا تْكاكي
الساگية گدامَكْ شرب ؤتلاح
تْزَنَّگْ لْمًزْغوب عْطاتو بَلْعاني
گاليها أغْزالي على ودك نتلاح
ما نْشاورْ غَمزةْ عَقْلي الْمْهَبْلاني
ردات بَلْقاصح شوف ليك البحر
انا مامسليا نتلاج خاوي داوي
رد حارگاه عْطَفْتو سكنات البال
راه قصدي شريف أَبَنْتْ سيدي
ماني ديبْ النعاج رَعْواني غْدَّارْ
گالتليه ؤُتكون سبع ما تهمني
سَهْمي عالي بَالشَّانْ وَالمَرْشانْ
گَالِّيها مبسم أَنا شاريك أمولاتي
وخا كلامك حجر يرجم الغرام
راه تلاقا جبال ما مْفاكْ مْعاكي
گالتليه أسي عرف انت معامن
راهْ بَرْجي منك مْنيعْ سورو عالي
باراكا عليك جلا خْلاوي عزيبك
جاوبها سًّرْحَا عَزْ ؤصبر معلماني
شحال من نبي كريم كان سراح
حرفا شريفا ديما رافعا راسي
گالتليه واش ناضي گَدْ كلامك
ولا غير داوي ؤسوقك خاوي
شافت خطفا وْحَدْرات رْموشْ
جاوبها مْعول لَلْمَعْقولْ الحقَّاني
مْعايا تسعدي غير فيضي نيتك
حداكتك أبنت الفلاح عاجباني
جاوباتو معمرا لگلالي سگات
سير دخل من الباب تما تلگاني
ؤدق باب لحلال ف عيني تكبر
كون فطين سالا تلاجيج رسامي
هاكدا تَلاَّت خبارهم سَرْ شريف
ؤكلها لخيمتو رجع عالفرح ناوي