كنزة العماري جسر التواصل الرباط …
اللي قال العصيدة باردة
يحط يدو فيها
و اللي قال حالنا مقادة
الله يبليه بيها
اللي جاهل على المادة
الله يطليه بيها
حنا ما باغين الدنيا
حنا باغين ماليها
بنادم هو الدواية هو القلم
هو اللوح هو الصلصال
بلا بيه ما يدوم علم
بلا بيه ما يتفك خبال
علاش نسجدو للدرهم
علاش نركعو للريال
علاش نهزو الهم
ونفوتو بالصبر الجمال
الدنيا ما تدوم
كانت للنبي دامت
يطلع عليك يوم
و الربيع فوق قبرك نابت
تحت الشتا تحت الشوم
و النبقة فوقك طابت
فيق قيمتك فذاتك
ماشي فجيبك
نهار تبلى كساتك
يبان للناس عيبك
نور راسك وقرا لكتوب
بهاد الشي تكون انسان
ورضا بالنصيب المكتوب
كيف وصاو ناس زمان
لحليب ما صفاه و يروب
يدل يكجكج غليه الدبان
الدنيا كحل من الخروب
وانت داير ليها الشان
فاطيها الماكلة و المشروب
باش نفرقوك على الحيوان
- فاطيها كلمة تستعمل وسط المغرب بمعنى ” لاتتبع “.
Views: 9
