بقلم/حفيظ الامراني
الراوي
وكان لازم من الترحال
والسوايع ديمابدالة
وجاالنهارباش يرحل
ويقصدبلادات الناس
وبدايسافرويتجول
حتى حط الرحال فمكناس
ومكناس من لايهواها
الهوا(ء) والما(ء)عمارة الدار
يسعد من عاش فحماها
وطاب لوفيهاالاستقرار
………***…… .
كانت عاصمة البلاد
تتباهى بقصورواسوار
وكانت قبلة العباد
يسعدكل من ليهازار
وتاقت نفسومن جديد
للجولة وتعب السفر
وكان فرايوسديد
ولديارالعلم هجر
وفي فاس حط رحالو
وجاورالفقيه والعالم
الراوي
خلى وراه مالو
وزهد ف اللذات والنعايم
نهل العلم وتشبع بيه
وجعلوقنديل ف حياتو
مابقى قادريستغني عليه
وخذاتوبحورو وموجاتو
وبدايتعمق فتفكيرو
ويتامل فاسرارالكون
وجدنفسوو راحة ضميرو
وعشق الوحدة والسكون.
المجموعة
لاح هم الدنياوراه
وزهدف الحياة ومافيها
مابقى يهمومال ولاجاه
والحكمة ولى طالب ليها.
الراوي
فين مامشى يلقطها
رجعت غايتوالمنشودة
يصوغهااشعارويبسطها
والفايدة غايتوالمنشودة
هجرناسووغادرديارو
وقلب ف الدنياطرفو
صاغ درر من افكارو
وحمل رسالة على كتفو
شاف الناس زاغووتلفو
وراس الخيط ضيعوه
ولاويكذبو.وولاو يحلفو
والحق مابقاويعرفوه
الكبيرياكل الصغير
يخطف اللقمة من حلقو
الصفيرمايعنى بالكبير
الناس ف الظلام غيريبرقو
………* يتبع *………
Views: 9
