كلمات /حفيظ الامراني
كنت تنبغيه وكان
ساكن القلب والوجدان
نحس معاه ب الامان
وخيالومايفارق لعيان
عجباني فيه افكارو
الثباتة والعقل رزين
الكتاب ونيسو وجارو
هكداعرفتومن سنين
الصراحة ديماعلى لسانو
والناس كبيروصغير يبغيه
ف حديثو مساوي ميزانو
وكلام الحق ديمايرضيه
حببتوحب فات الحدود
وبقى سرو فقلبي مخبي
ماترجيتش منو وعود
وكتمت محبتو فقلبي
سلمت امري للظروف
وتمنيت يتحقق مقصودي
يمكن تديرفي معروف
ويشعريوم بوجودي
وجايوم ماخطرش فبالي
شفت صورة الايام ماتمحيها
اللي حسبتو حبببي وديالي
مرافق غيري ويدو فيديها
وبان لي بعيد حاجة تلمع
ارتعشت وتهز كياني
كان خاتم الخطوبة ف الصبع
ونزلت دمعة من عياني.
Views: 7
