تأليف / حفيظ الامراني.
هذي سيرة من سيرالعطما
اللي عمروجودهم هاذ الكون
منهم فقهاء وفيهم حكما
وفصدركل واحد سرمدفون
كانوللناس مثل وقدوة
باعمال جليلة وبناة حضارة
مهدوالطريق بأول خطوة
جملو العالم.كسبوه نضارة
لكل معضلة لقاوحل ودوا
ومن ينبوعهم يامابشر روى
نتبعوحياتهم ونقراوالسير
تنفعنا ف الحياة ومنهانفيدو
ومن تجاربهم ناخذو العبر
وطلام الجهل نكسروقيودو
نسيرو فظلهم ونقتفيو الأثر
وعلى نهجهم القويم مانحيدو
ارخيوالأسماع وحفظو الدرس
كتابناصفحاتوواضحة مكمولة
اياكم اللغو قطعوالحس
خليو العقول والصدورمحلولة
الجهل شيطان أياكم يندس
بينكم .ويخلي عقولكم مهمولة
سيرالعظما..تشبه مغارة
واقفين عليهاحارس وبواب
مايطرق بابهامن خانتو التمارة
أوصابوالغروروكان من العجاب
غيراللبيب والفاهم بالاشارة
سوارتهاتلين ليه وترطاب
واش نبداو ونفتحو الكتاب ؟
يالاه نتاكلو ونقولوياباسم الله
هذي وجيبة محلية بالأطياب
حكم وكلام القلوب تتشهاه
نولجوعالم نتخطاو الاعتاب
ونحلقو بجناح الخيال فسماه
هوفقيه وشاعر شعبي
عاش حياتو بالطول والعرض
عاشق للحكمة ولصوتهايلبي
جوال وسايح فربوع الأرض
يجهربكلام الحق ومايخبي
تحمل الفقر ألام المرض
اعطاه الله علم وزادوتجربة
وعلا بين القوم شانو
قاسى وتمحن وعاش التجربة
وشاف العالم وجال أركانو
تحلى بالجد وتعرف بالطيبة
وكان فالسفروالجولةاوطانو
أصلو شريف من بلاد * طيط *
على بعد مسافة من * أزمور*
قانع بعيشتووفحياتوبسيط
حامد الله ع القوت الموفور
وكان الخير يدفق ويشيط
الرزق من الله والحال مستور.
Views: 13
