للشاعر حفيظ الامراني
قالي تبسم واضحك ياهذا
ف الضحك قوت للقلب ودوا
قلت لو ماعندي فيه افادة
واش نضحك اناع لخوا
سمعني نكتة ..قال يضحكني
طلعت الضحكة حصلت ف جوفي.
قلت لوبطني راهاتتغني
عييت من ماكلة الحرفي
انا واحد مغلوب على حالو
ك الضحكة عندي ك الدمعة
راهم ناس زمان قالو
يرحم من مات على شبعة
خاصني ماناكل ومانلبس
ورزيق مضمون وسريردافي
بحلاوة العيشة باغي نحس
ونحط الهم من على كتافي
عيشني دباوقيلني من حتى
قبل مايروح مني العمر
وأرى ماعندك من نكتة
ونبقى معاك حتى الفجر.
