للشاعر حفيظ الامراني
طلات اليوم شيبة
نكتب حروف جدبدة
فصفحات لعمر
انت ف حاجة لحبيبة
تمسح م القلب تنهيدة
تونس وتعمر
……***…..
هاانت على باب الربعين
وشبابك جوهروياقوت
توقف فين؟..تمشي لين؟..
وربيعك قرب يفوت
انت ف حاجة لحبببة تعمر
وتبني معاك عش ودار
انت فحاجة لرفيقةتسهر
وتشاركك حلاوة ومرار.
……***……
هذاحال الدنياياانسان
مركبالعمر غادي مايوقف
عش حياتك زوجة وصبيان
طيورجميلة فسماك ترفرف
قطارالعمرغادي
وانت فاخرمحطاتو
مازال الامل بادي
ولعمريطوي صفحاتو
……***……
قبل ماتهيج امواج الشيب
قبل ماخيوط شمسك تغيب
اركب قطارك
قبل لايفوت الاوان
وعمردارك
دفءوحب وحنان.
Views: 8
