الشاعر مصطفى العبريدي
كيف اندير نخرج مني
نهرب من داك اللي ساكن فيا
ياما فكرت مني انسلني
نغفلني بلا ما انعيق بيا
لغز هادي شحال حيرني
لاحني وسط دروب منسية
الحساب معاه ما انفعني
في وقت الشدة اخوى بيا
آش المعمول إيلا هو ولفني
و الولف راه قالو عليه ابلية
شاب عقلي و اتعصر
الهم اتجدر،اسكن في الذات
لقيت راسي فيا اموضر
معايا انقيل و نرجع فيا انبات
ما ابقى ليا فين نتخير
عين الصبر فاضت بالدمعات
ما اقدر الغربال ايصير
عيونو اعماتها حر الصدمات
حبل العمر يبقى اقصير
ما يقبل قوة النشير بلا اوقات
Views: 10
