“الدكان” للشاعرحفيظ الأمراني

جسر التواصل4 ديسمبر 2022آخر تحديث :
“الدكان” للشاعرحفيظ الأمراني

للشاعرحفيظ الأمراني

م زينك ..مزين ايامك يادكان.
اطعمتينا..اسقتينا ومليت حياتنا أمان.
ايام كانت ليك قيمة ..وكان ليك شان.
***
اللي تشهات الناس ف رفوفك تلقاها.
سلع على كل الوان..زينة ماحلاها.
وحلاوي ف الاعياد الناس تتشهاها.
***
كنت يادكان عمارة الدرب والحومة.
الجودة ف السلعة.. والرخا ف الثمن ديما.
والوقفة ف بابك ليها شان وليها قيمة.
***
الاسعار معروفة.لاغش.لازيادة ف الاثمان.
طراوة وبنة. والمنظر يسبي لعيان.
والشاري ليه قيمة ولوفا ف الميزان.
***
كلواحد يشري على قد حالو
واليوم تبدل الزمان ولميازن مالو.
اسواق غريبة صالو عليك وجالو.
***
اسعارهم طالعة .ويوم على يوم زايدة.
وسلا عهم كثيرة وقليلها فيه الفايدة.
دغيا علا شانها. ورجعت ف الاسواق سايدة.
***
زمان هذا واش بقى فيه م يعجب ..؟..
كلشي مفبرك .كلشي مزوق ومعلب.
ولقمة لحلال يادكان طريقها صعب.

الاخبار العاجلة