بقلم/حفيظ الامراني
الراوي
سماوه ياسامعين المجذوب
لانه هجرالبلاد وساح
مابغى يعيش تحت الطوب
وبحروف الكلمة دارجناح
كان عايق وبارع فالفهايم
والفهامة ماتخفى عليه
تسلح بالصبروالحكايم
عكازورفيقو متكل عليه
قانع بالوحدة والدربالة
ولايح كنوزالدنياوراه
مشغول بحل المسالة
والحكمة عمرهاماتخطاه
………***…….ّ.
الراوي
مايرخي كلام.مايلغى
فحديثويتانى بلازربة
يكره يشوف من يطغى
وباني عالم من المحبة
عينوياناس عين نسر
تكشف السرمن بعيد
عايش فسماه ديماحر
وجناحويطرطقوالحديد
من صلى على النبي وصبح
واصغى بسمعو لهد الاقوال
من قرقب سوارت الربح
يسعد بالمقصود وينال..
راوى ثاني
صلوعلى النبي
المجموعة
الله مصلي عليك بارسول الله.
راوي ثالث
عاودوصليوعليه
المجموعة
الله مصلي عليك بارسول الله.
………***………
الراوي
كان عايش بين اهلو
عيشة على قد الحال
ينعم بصحتووبمالو
وقانع براحة البال
ماحارم نفسو.ماحابس
عايش ف الهناوالسلوان
يقول اشعاروحكم فمجالس
ينوع ف القوافي والاوزان
قالو”دوام الحال م المحال”
والزمان دوارك كيف الالة
………* يتبع *………