للشاعر حفيظ الامراني
شفت طيري ساكت
مايغني مايحرك جناح
فاتت الايام ودازت
وسكاتوماخلاني مرتاح
دايروقبالتي فالبيت
صباح وعشية نرعاه
تمنيت واشحال تسنيت
يغردلي ونسمع غناه
نجدد عشوكل صباح
وفالليل نبات نحضيه
مايغردمايحرك جناح
وصمت الليل دايربيه
ديماعينوعلى الباب
باغي يطيرويخليتي
ماسخيت بيه يالاحباب
تغريدوكان يشجيني
خايف ليخدومني غيري
ومانصيب راحة البال
قلت حتى لاين طيري
عايش على هاد الحال
عطفت وحليت لوالباب
واناماقادرعلى فراقو
طاروفرمشة عين غاب
وخلى القلب مع اشواقو
عشق طيري دنياالحرية
طاربعيد وحلق فسماه
وسمعت من بعيداغنية
طيري عادرجع لغناه
