كلمات/حفيظ الامراني
فواحداليوم
من سايرالايام
كنت مهموم
ودايرة بي اوهام
رجعت شايف الدنيا
لاطعم ليهاولالون
تايه ماعارف اش بي
وظلام فعيني الكون
وصدفة تلاقيت
انسان مابان لي غير خيالو
سلم علي مارديت
سالني وماجاوبت على سؤالو
كنت تايه بعيد
والبال مشغول ومضيوم
ماشاعربالوجود
وخداني امواج الهموم
عرفني باسمو
وقال تيعرفني من سنين
ووراني رسمو
وطلب مني دقيقة اواثنين
قال عشرتنا كانت طويلة
صافية كيف هي سمانا
من زمان .من ايام الطفولة
ايام الفرح .ايام الهنا
رجع بالي بالخف
وبانت فبالي الصورة
قلبي دق وهتف
ونفسي ولات مسرورة
قلت هذاهوانت
فين اداتك ياسيدي الايام
وخدتنااحاديث شتى
وحلات اللحظة ياسلام
مشيناوقطعنامسافة
وتخطينالزمان
كاناعايشين فخرافة
من ليالي زمان
كان هذارفيق الصغر
واللي لقاه ماكنت ناويه
واللي مانسيتوطول العمر
وكنت ديما نفكر فيه.
Views: 9
