كلمات/حفيظ الامراني.
فيق ياداك الناعس
راه النعاس وقتوفات
وانت ياللي جالس
اياك تفوتك الاوقات
شي تطريفة تحيد العجز
وتزول اثارالنوم
ولاتدويشة وخابزز
تنشطك طول اليوم
………***……
يالاه تحرك ياهذا
ضوالشمس بان فالافاق
واش ماسخيت بالوسادة
اوماقدرت على الفياق
رمي عليك داك الغطا
راه النعاس ماتلايفيد
ديرعلى كتفك الفوطة
وابدانهارك بالتجديد
………***………
فالفياق بكري متعة
فيه نشاط ومتعة ونشوة
نسيم وشموس ساطعة
وهواصافي مابحالوهوا
بدانهارك وياباسم الله
هو الخالق وهوالرازق
والرزق راه ينتظرمولاه
وماينالو غير اللي سابق.
Views: 8
