Array
محمد الصقلي
روما. 16 أبريل 2020
الغربه هادي غرايب
غربه.
بعيد على بلادي
و غربه
ما عندك عنوان
فهاد الأرض
فين ما زلتي غادي
و غربه
ما بين طنجه والرباط
دفنت اثنين من ولادي
و رفيقت عمري
قبر غريب فروما
و نلقا راسي وحداني
لا من بكا معايا
لا من واساني
وغربه
مع كورونا
ما بين ربع حيطان
حابساني
و غربه
خليك
هكذا مكتوب عليك
حتى فكتابتك
ما بين الجاحدين
تبقا ديما براني
غربه
متعوس و منحوس
يگولو عليك
فكل نادي
الغربه هادي
غرايب
تغربت شباب
وهانا ما زلت مغرب
وانا شايب
واش عصياني
وذنوبي
وزلاتي
يسدو عليا
باب رحمتك
و اللي غريب
و غربتو غرايب
ياك انت منو قريب
غفرانك ياربي
و نگولها و سمعها مني
قدام الشهود
راني ندمان و تايب
المصدرArray
