شعر ورواية

قصيدة (بلا بينا) للشاعر محمد الصقلي

روما. محمد الصقلي
6.04.2020

بلا بينا
ربما العالم احسن
بلا بينا
ترتاح الأرض
و السما
و هاد الكون
ربما يطمأن
حيث طغينا
و بطرنا و استبدينا
نعياو ما نتخباو
هاد الريح جات
باش تعرينا
باش تفضح
عيوبنا
و شلا ظواهر
اللي بيها تغرينا
فين وصلنا دابا
مدون و فيلات
و قصور
و ضيعات و أموال
دارو ف الدنيا ما بغاو
وتاحنا درنا
درنا بجهاله
ما نگولوش داروها بينا
بلا بينا العالم احسن
ما نكذبوش على كورونا
شحال من كذبه صدقنا
و شحال ما جربوها فينا
لا من يعيق
لا من يفطن
ماشي غير كورونا وحدو
فحياتنا شحال من فيروس
ما بقا فالدنيا إيمان
ولينا نعبدو لفلوس
لفلوس تاهما فيروس
غير كثرو غابت السعاده
ولات الموضه عباده
و الاستهلاك سبت لهلاك
خليني نسكت عفاك
شف الحضيض
فين ولينا
لا علم لا معرفه
لا دوق
لا ثقافه لا فن
بلا بينا
العالم احسن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى