Array
للشاعر حفيظ الامراني
علاش ياشمعة..
طول الليل..
وانت تسكبي..
دمعةورادمعة..
والنارتقدي فيك.
تنوري ليلي..
ترسمي خيالي..
ف ليل الوحدة..
ونيس لي وليك.
الليل طويل..
وانت سهرانة..
تسكبي الاحزان..
دمعات سخان.
وماسمع لك حدانين..
ولاشكوى..
محبوبي هجر..
يمكن تاه ف الغربة..
يمكن عشق السفر.!؟..
يمكن سكن ..
بين امواج بحر..
وصاب السلوى.
ماعرفتوفين..؟ّّ
عايش ف ارض ولاف سما..؟..
اوخذاتو نومة..
على جناح غيامة..
وبقى عايش ف الاحلام.
ماباحت لي قمرة ب اسباب.
ولاعرفت سرالغياب.
وحرقة الاشواق..
تقدي في.
وريح لفراق..
تلعب بي..
وترميني ف دنياالاوهام..
وف اعماق قلبي..
ياشمعة..
جمدت دمعة.
المصدرArray
