للشاعر حفيظ الامراني
تشوفو ف الشارع ديما..
عادي ..طالق رجليه.
يتسارى ..يجول مع الاحباب..
زوجة ووليدات مااحلاهم.
تشوفوف الشارع ديما..
ف المقهى يسرح عينيه.
يشرب قهيوة مع الاصحاب..
والجلسة تحلى لومعاهم.
……….***………..
ماعندوسيارة كيف شي ناس..
تقرب ليه كل بعيدة.
راحتوف مقهى شعبية..
وكاس دالشاي معطرب النعناع.
ماديرلوواسواس ف الراس..
لامال ولامشاريع عديدة.
يتصفح جريدة يومية..
ولفن اصيل يرخي الاسماع.
……….***……….
احلاموعلى قدالحال..
وحياتوبسيطة..هانية.
عايش هكدالعمر..
ماعندومال يخاف عليه.
قانع ب راحة البال..
وراضي دياب القسمية.
دايرعشرة مع الصبر..
وعندومنو مايكفيه.
……….***……….
تشوف ف الشارع ديما..
غادي وطالق رجليه.
ملي يعيايركب طوبيس..
ماتحرق حطواتو بنزين.
تشوفوف الشارع ديما..
ف القهوة يسرح عينيه.
عندوولاماعندوفلوس..
طالب غيررضاة الوالدين.
