شعر ورواية

قصيدة(لميت اقبيطة حروف) للشاعر رشيد جوبير

للشاعر رشيد جوبير

لميت اقبيطة حروف نابتة في الجوف على جناب لفااد

لحبابي نهديها شهوة من دوايتي معمرة ليهم براد

معمر بتخليطة منسمة معشبة شهدة معصرة ؤ صارت امداد

فيه كلامي فيه سلامي في ألف مرحبا برشان الريحان والورد بلا عواد

مع صوابي انشحرو بلمحبة مزيان حتى يزايان ؤ يتقاد

عاد انكبو في كيسان الفرحة لحبابي

نقيطة نقيطة محطوطةعلى صفحة للجواد

شربة عذبة من حروفي لمرطبة امشبشبة مني خيط الكتبة يسبى فوق لبياض

من فم الدواية سايل حب
خيوط محلوبة على لساني فرحة
الگوال صارت كبة مكركبة

خارجة مدردبة مسرسبة بلا سداد
بلا زناد مع نشوة في كل حركة تتزاد

كلمة قابطةكلمة والحرفي منها تلاد
حبة مسربة حبة ؤ ضربة تابعة ضربة

كي مكاحل الصربة
في تخراج لحروف. اللذة في كل صدة و ردة تتراذ

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى