شعر ورواية

قصيدة (كشفت الصورة) للشاعر عبد الرحمن معروف

للشاعر عبد الرحمن معروف

لقيت أسراري
فباب داري
وهضاري
على لسان جاري
غير داوي بكلام خاوي
ناوي
يخسر لي نهاري…

فهبالو
راه زاد ثاني
بقوافي
كلها معاني
يقيل يهضر فيا
يرثاح
وتعجبو محاني

سعدي انا
بذلك جاري
نشرة
تنشر لي اخباري
وانا اللي
نخبي عيوبو
ونداري
ونقول جاري
جاري
من كل خيي
وكانت
صادقة الخاوة
وهدا
خلقو يعيي
وجورتو
ناقصة حلاوة …

كبرت احلامنا سريعة
وفالحومة
نبتو سواري
كلها وطبايعو
ومنين جات
وكتابو
فاش كان قاري…

فين الصورة اللي بنينا
كشفت
وماتلات زينة
كانت البزولة حنينة
والخاوة
بين الدراري
الصورة
لونها بهات
والجورة
ما بقات جورة
والحب اسواقو
خلات
مهجورة ما عاد شاري.
وجاري
من كان خيي

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى