شعر ورواية

قصيدة *حزت الخاطر * للشاعر محمد حديش مجدوب الحرف

للشاعر محمد حديش
مجدوب الحرف

06\02\2020

حَزَّا مَحْفورا فَ الخاطرْ

كاويا الگلب حرگاه شْياطْ

شَلاَّ كلام مدفون مْجَيَّفْ

تكفن حْزينْ وَتْحَيَّرْ مَجْدوبْ

شحال من الصْبَرْ دَوَّبْ بْنادم

تشرب بْجَغْما وَتْكال بْضَغْما

مَلِّي تْشوف جارك حْداكْ

ؤُتَسْمًعْ دَّايْما دَّاتو فْ رَمْشا

تْخيْطات كفانو خارَجْ دارو

تًدْفَنْ غَفْلا بَرَّا خايمتو قدار

تَخفاتْ موتو داروها سْرارْ

الدَّنْيا تَطْحنْ فالعمر الفاني

تَتْرَكَّلْ فيها غافل مَغْبونْ

ؤالَّلهفة غرقات الگْماگَمْ

كل يوم نْقَصْ قربك القبر

مايدوم حال غير قيس

عْبارَك گد المكتاب حساب

مًلِّي تْنَحَّلْ حْزاني قَرْصاتْ

تفيق الراگد يْصَيَّحْ مْوَعَّتْ

لْديك الكبدا الْكاوياني مْرارْ

خْيالها معايا سْكنْ الروح

وخا يشيب العضم عْمار

مًلِّي تْبَهْوَنْ فْ حالنا تْكَدَّرْ

واشْ حنا غْراب ف زمانا

ولا الزمان تقلب كَفَّحْ ماه

ملي تشوف دوك الخوت

مْشات أرضهم بيع ؤشرا

كل يوم رواحهم تَزْهَقْ

الله عليك يا فلسطين

فَرْزوكْ العْدا كلها يَنْبَزْ

گَطْعوكْ فَرْتَتُّو ناسك قْهَرْ

وْزَمَّمْ لَعْدو كْواغَطْ الغدرْ

بيع وشرا بَمْكَرْ الدْياب

الغرب گَزَّارْ وَالشَّرْقْ مْرَعْوَنْ

يتفرجو فَ مْحايْن الخُّوتْ

شي يَكْوي وْشي يْبَخْ مْنَخَّلْ

الأرض حْجَرْ ؤُشْجَرْ تَشْهَدْ

الباطَلْ يْرَيَّبْ دْيورْ وَبْنادَمْ

مَلِّي تْشوفْ الصَّهْيون تْجَبَّرْ

كُلْ يوم يسفك دمنا مْفَرْعَنْ

مالگا حد يْهَرَّسْ لْبوهْ الجْوانَحْ

مْدَرْدَگْ عَالخُّوت مْهَمَّجْ جاهَلْ

مْيَتَّمْ دْراري ؤُمْرمًّلْ شَلاَّ نْسَا

شاتف على النّخْوا هَادَا زْمانْ

حًفْنَةْ الدَّلْ عَرًّاتْ الْغابا كَشْطاتْها

ملي نْطَوَّلْ الشُّوفا فْ هادْ الضَّرْ

يَعْگَبْ تَطْوالْ تَخْمامي مْسَلَّمْ

تگْولْ النَّفْسْ ليها رَبْنا العالي

تْبات عوافي ؤُتَصْبَحْ رْمادْ

ؤُضْلامْ اللِّيلْ وْراهْ صباح منور

ما يْدومْ حالْ والدَّايَمْ مُولانا

ما يْدومْ حالْ والدَّايَمْ مُولانا

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى