للشاعرسعيد.هجري موسى
جاتني تبوريشة
نحس راسي ريشة
يدعدعني الشوق
يهزني الرشوق…..
حلمة طويلة
جاها على بغثة الفياق
و أنا ذيك الليلة
ما سخيت بفراق
نراري بغزالي
هزيت جلالي
قطعنا الواد
و نشفو رجلينا
ياك عاد بدينا
نسينا كيف تلاقينا
عطفة وحدة تشابكو اصباعها
و يا ويل من دخل غزالو
لدار الدلالة و باعها
كبالة وحدة فكانون
نفخو عليها نفرقوها
و مرة مرة غمزة
نخطفوها نسرقوها
من عين الماعون
المحْنة رعْدة و دمعة
حسكة وحدة نحاس
ما تزاد شمعة على شمعة
شادة صح القياس
قنديل الضحكة الصفرا
ما احتاجيناه ليلة الݣمرا
الداخلة دخلات
بين الجلد و العظام
والخارجة خرجات
وسخ بين الظفار
ياك السربة يزينها علام
و الدهم زين الݣدام
و صافي سالينا الكلام ….
Views: 3
