Array
للشاعر عبد الرحمن معروف
حسبها
و زيد عاود حسابك
ما تكونشي
تايق فحسابك
لا تفرح
لا تقول ديالي
فالتالي
يخرج ليك حساب
ولعبها
كيفما تلعبها
القدر.
بكيفو يلعبها
ويجيبها
بلاما تطلبها
و بكيفو
يدير مليون سباب
غريبة الحياة
الا سخطات
صعيبة
تقطع السلاسل
و عندها ساهل
لوكان بغات…
تجي طايعة بسبيبة
واقفة
تلقاها فالباب
راودها
يا سيدي راودها
راودها
و شدها بالخاطر
وياك تقول
انا فالناس بغاتني
حيت انا شاطر
الدنيا
خاطيها الحساب
القدر
يخرج حسابو
وكلشي مسطر ومكتاب..
لا تفرح
لا تقول ديالي
فالتالي
يخرج ليك حساب…
المصدرArray
