للشاعر حفيظ الامراني
الاب
تعالويااعزالاولاد
تعالوياقرة العين
انتماالنور الوقاد
ونورعلى الجبين
اليوم عيدكم يااطفال
واللي تمنيتوطلبوها
كلماتخطرف البال
خطواقلام ورسموها
الابن (1)
بغيت ياباباسيارة
تمشي بالبطارية
فيهاضوالاشارة
وعجلات مطارية
يكون لونهااخضر
ومصنوعة م الحديد
نبرك بيدي على الزر
نحركهاوتمشي بعيد
الابنة (1)
واناباغية دمية
بلغةالضادتتكلم
تكون ونيسة لي
بيهااناديماتنحلم
نلبسهااجمل لباس
ونحكي لهااي حكايا
وملي يجي وقت النعاس
انعسهاديماحدايا
الابن(2)
وانااختارلي دراجة
عندهاغيرزوج عجلات
تنفعني وقت الحاجة
نركبهافكل الاوقات
ونمشي بهاللمدرسة
توصلني فرمشة عين
ونرجع بهافالمسا
هي لي صديق ومعين
الابنة(2)
واناياباغية كمان
تكون اوتارهارنانة
نعزف بيهاالحان
ويقولوعلي فنانة
وفكل عيد ميلاد
نعزف لخواتي واخواني
اغاني واناشيد جداد
ونطربهم بصوتي والحاني
المجموعة
شكراياباباشكرا
الله يحفظك ديمالينا
شكراياماماشكرا
ياغالية وعزيزة علينا
انتمااعزالاحباب
من غيركم مابحلى لينا
لاهداياولاالعاب
انتمااغلى من عينينا
