للشاعر الميلود بوصلعة
أبكي يا عيني فالوقت المهمول
ما تسمع غير الفضايح والعصيان
واش دير واش تحكي واش تقول
يا اسمعني شوف تاخير الزمان
دمعي طاح على خدودي بالمعقول
هاد. الدنيا سايرة وهييا تشيان
ريت المنكر والبلا غاشي مدلول
ولد. دامي راه يدبح فالصبيان
لا حشمة لا عرض ما ولد الاصول
عيب الضاري في ودروسه ونبان
يا صبي محال نارك واش اتزول
في جوف. لي راه يعطف بالحنان
غصبوك وذبحوك فحفرى مغتول
هاد المنكر ما يفعله الشيطان
ياصبي كيفاش ساري بالمفعول
حتا غدرك بالغدر تيقت لامان
هولت العالم من أجلك مشغول
ناس التهاتف بيك حزنك يا عدنان
ونجرحو لكباد و نشغلو. لعقول
ما تتطفى حتا يقتلو د الثعبان
ولو يشنقوه د الوحش المجهول
ولو يعدموه في صحراء عطشان
ولو يدفنوه في حفرة معزول
ما تبرد هاد الفقايس من لكنان
في حق إلي راه ضحية مقتول
ينعدم. وتشاهده كل. العربان
يبقا لتاريخ في صفحة محمول
ولي دار الذنب مافيه الغفران
ولا شنقا فاصحاري علب الرمول
ما تبرد هاد. الفكايع يا عدنان
رحمك ربي. راك. بدعنا مقبول
في جنت فردوس فجنت رضوان
يصبر باباك وأمك. أعلى طول
لمغاربة احرار اعلى ربع اركان
بجاه الحبيب البجاه. الرسول
محمد. شفيعا يوم. الميزان
