للشاعر حفيظ الامراني
ماتكلمنيش راي عصبية
ماشفت نوم البارح
مادرت قيلولة ف العشية
شوف وجهي كيف صابح
كل مرة تجيني باعذار
تاخرت عليك ماشي بيدي
سمحي لي غيرهاد النهار انت روحي ونورعيني
تجيني غيرعندالحاجة
وبعدهاتغيب وتنساتي
نديراعصابي ف الثلاجة
نبرددمي نغمض عياني
نتيق بك ونبقى نسمع
وتقول على عيني عجاجة
نقول الصبرراه تينفع
ونحط اعصابي فالثلاجة
درت مافجهدي وفامكاني
وقلت غادية نرتاح دبا
غرست وسقيت جناني
وفالاخيرماجنيت صبا
بين لي مرة حسن النية
وكن غيرواضح معايا
الى كان ليك بي حاجة
خذكلامي ماخذالجد
ماتليت نديرفالثلاجة
اعصاب ولاعواطف لتجمد
Views: 1
