بقلم صقر الحروف
الزجال المحجوب بوسبولة
وا ماتقيد اعليا امقال
سبحان من عطانا لستقرار
هذي دكالة هذا الحال
وانا للي عارف جار والجار
ملي تدكر ونسمع سمية
ياك تظهر ساكنة لب حالي
دكالة لعزيزة عليا
يتبورد ف الحركة بالي
تزهار لحضارة والاتي
ياك يتعطر الحرف ف جناني
تنعم لقصيدة ببياتي
ترتاح سطورة في سحر لواني
ويرفرف فوقها سرب حمامي
عنواني والخازنة اسراري
تخضار دوالي قدامي
وطيور ثغرد ليل ونهاري
اعطية من داك الرحمان
خيرات فاتت كل حدودة
لكرم يظهر لينا فرحان
ومياه معمرة اسدودة
خضرة تنسيك في خضرة
ارض الفقرة والصالحين
ارض الاولية والحضرة
سعداتها معشوقة الزايرين
