شعر ورواية

قصيدة(بلا زواق لكلام) للشاعر رشيد جوبير

للشاعر رشيد جوبير

بلا تكمام على دوام

لله. يا. اقلام الكتابة
ملي تحكي وتجي. بلخبار

كوني. في. مقام. النيابة
اللي تاتساهم في صنع القرار

بلا. حشمة. بلا رتابة
تگول. الحقيقه باختصار

توصف. الصورة. بلا دعابة
بلا. زواق و كلام ثرثار

حالت اضعيف. ياعجبة
تيقاوم حالو. منهار

دايخ. ؤ في. عينو ضبابة
عايش حالت انكسار

مقهور. من. حر. الإصابة
تيقاسي وهو صبار

حيت. وحدو. في الحلبة
والمزاد. عليه خلف. الستار

تيتبارة ؤ بصلابة
ؤ من ضيقو انفجر ؤ ثار

ايوصل صوتو للغلبة
ولا صوتو عاجب. لكبار

شباب تايه. بالغرابة
اش من طريق يمكن يختار

لوغت. ليمن بالخشبة
ولوغت. ليسر تهدم لصوار

كانت. لينا. مهابة
والمهابة شيمة. لاخيار

صبحنا سلعة. لنصابة
ايجربوا فينا الانتصار

جهل. ؤ فقر ؤكابة
ؤ عيشة قهر من دار لدار

شلا. وعود. بلسان الكذابة
ولا. تطبيق بعد الحوار

الحقيقة و الاجابة
والمسالة. في ايد. التجار

الصورة شكلها دعابة
تاريخ أمة. في انهيار

نترجاو. الله اتزول الضبابة.
ويعم. الخير على لكبار والصغار.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى